“Azerfloat” QSC istehsal etdiyi ağ şəffaf şüşə vərəqələrin ilk dəfə İsrail və İspaniyaya ixracına başlayıb. Bu barədə İqtisadiyyat Nazirliyi məlumat yayıb.
Həmçinin şirkət Türkiyə, Rusiya, Polşa, Gürcüstan, Özbəkistan, Qazaxıstan və Ukraynaya məhsul ixrac edir.
Sumqayıt Kimya Sənaye Parkının rezidenti olan “Azerfloat” QSC müxtəlif çeşiddə rəngli və şəffaf şüşə vərəqələrin istehsalını həyata keçirir.