Saray qəsəbəsində küçə işıqlandırılması ilə bağlı şikayət var.
Sumqayit24.az-a daxil olan məlumata görə, Heydər Əliyev küçəsində işıq dirəkləri mövcud olsa da, işıqlandırılma təmin edilmir.
Sakinlərin sözlərinə görə, gecə saatlarında küçənin qaranlıq olması həm piyadaların, həm də nəqliyyat vasitələrinin hərəkətində ciddi çətinliklər yaradır. Belə vəziyyət isə ərazidə qəza riskini artırır.
Bundan əlavə, vətəndaşlar bildirirlər ki, işıq dirəklərindən biri aşıb və günlərdir yerdə qalıb. Bu cür hal isə piyadaların hərəkətinə maneə yaradır.
Vətəndaşlar aidiyyəti qurumlardan mövcud problemlərin aradan qaldırılmasını tələb edirlər.
