Hacı Zeynalabdin Tağıyev qəsəbəsində məhəllələrin birində uşaqlar üçün yeni meydança salınır. Bu barədə Sumqayıt24-də oxucular məlumat verib.
Sakinlərin sözlərinə görə, Xətai küçəsində tikinti işləri 4 gündən çoxdur ki başlayıb. Hazırda əraziyə çoxlu sayda beton bordürlər gətirilib. Köhnə bordürlərin yeniləri ilə əvəz olunma prosesi davam edir.
“Axırki təmirdən sonra məhəllədə uşaqlar rahat oynaya biləcəklər, çünki maşınların həyətə daxil olmasına icazə verilməyəcək”, – sakinlərin biri bildirib.
