Şahmat üzrə keçirilən “Aimchess USRapid” online turnirdə Sumqayıtlı qrossmeyster Şəhriyar Məmmədyarov ilk qələbəsini qazanıb. O, hal-hazırda 3 xalla 5-ci pillədədir.
Dünya çempionu Maqnus Karlsenin təşkil etdiyi turnirdə Məmmədyarov ilk turda fransalı Maksim Vaşe-Laqravla heç-heçə oynayıb. Ikinci turda o, amerikalı Leyner Dominqesə qalib gəlib. Şahmatçımız son 3 turda Polşalı Yan Kşiştov Duda, rusiyalı Vladislav Artemiyev və niderlandlı Aniş Giri ilə üz-üzə gəlib və hər 3 oyun heç-heçə ilə bitib.
Hatırladaq ki, “Aimchess USRapid” online turnir 5 sentyabra dək davam edəcək.