“Sumqayıt” FK Premyer liqanın XIV turunda paytaxt təmsilçisini qəbul edəcək. Bu haqda Sumqayıt24 Peşəkar Futbol liqasının saytına istinadən xəbər verir.
Şəhərimizi təmsil edən klub, dekabr ayının 15-i “Kapital bank arena” stadionunda “Keşlə” ilə üz-üzə gələcək. Həmin matçın start fiti saat 19:00-da səslənəcək. Qeyd edək ki, bu oyun hər iki klub üçün olduqca önəmlidir. Səbəb isə, hazırda “Sumqayıt”ın 12 xalla 6-cı, bakılıların isə 11 xalla 7-ci pillədə olmalarıdır.