Sumqayıt komandası Reqbi-7 üzrə yeniyetmələr arasında “Gəncə açıq kuboku” yarışının qalibi oldu. Bu barədə Azərbaycan Reqbi Federasiyası məlumat yayıb.
2005-2006-cı il təvəllüdlü reqbiçilərin arasında keçirilən birincilikdə Gəncə, Sumqayıt, Naftalan, Göygöl və Şəmkir komandaları iştirak edib. Nəticədə, Sumqayıt komandası 1-ci yerə, Gəncə komandası 2-ci yerə, Şəmkir komandası isə 3-cü yerə layiq görülüb. Qaliblər diplom və kuboklarla təltif olunublar.
Daha öncə, 15 oktyabr tarixində baş tutan Respublika birinciliyində Sumqayıt komandası qızıl medala sahib olmuşdur.
