Sumqayıtlı cüdoçu Ayan Həsənli Avropa turnirinin qalibi olub.
Sumqayit24.az xəbər verir ki, Bakıda keçirilən European Judo Hopes Tournament 2026 turnirində 14 yaşlı cüdoçu Ayan Həsənli möhtəşəm çıxışı ilə qızıl medal qazanıb. Turnir Avropa Cüdo Birliyi (EJU) və Azərbaycan Cüdo Federasiyasının birgə təşkilatçılığı ilə keçirilib.
44 kq çəki dərəcəsində mübarizə aparan yeniyetmələrdən ibarət Azərbaycan milli komandasının üzvü Ayan final görüşündə Aysun Əliyevanı məğlub edərək fəxri kürsünün ən yüksək pilləsinə qalxıb.
Gənc idmançı qazandığı uğurdan sonra gələcək hədəflərini də açıqlayıb:
"Növbəti hədəfim təkcə yeniyetmələr arasında deyil, gənclər və böyüklər arasında Olimpiya çempionu olmaqdır".
Qeyd edək ki, Bakıda keçirilən European Judo Hopes Tournament-də 10 ölkədən 289 gənc cüdoçu iştirak edib.
