"Sumqayıt" klubunun futbolçusu Burkina Faso millisindən dəvət alıb.
Söhbət Sedrik Badalodan gedir. Bu barədə oyunçu Misli Premyer Liqasının 25-ci turunun "Sabah"la matçdan (1:3) sonra Sport24.az-a açıqlamasında bildirib. O, dəvətə baxmayaraq, yığmanın düşərgəsinə getməkdən imtina etdiyini deyib:
"Millidən dəvət almışdım. Amma getməməyə qərar verdim. Burada qalacam və məşq edəcəm. Məqsədim hazırlaşmaq və adaptasiyamı sürətləndirməkdir".
Qeyd edək ki, Badalo ötən ilin dekabrından "Sumqayıt"da çıxış edir. O, çempionatda 6 oyuna çıxıb.
