Burkina Faso yığmasının vingeri Mamadi Banqre Azərbaycana gəlib.
Məlumata görə, onu ölkəmizə "Sumqayıt" dəvət edib. Afrikalı legioner az öncə Sumqayıtdakı klinikaların birində tibbi baxışdan keçib. Sağlıq durumunda heç bir problem aşkarlanmayıb.
"Gənclik şəhəri" təmsilçisinin 25 yaşlı legionerlə 1+1 illik müqavilə bağlaması gözlənilir.
Banqre Burkina Faso millisinin formasını geyinməklə yanaşı, Fransa vətəndaşlığı daşıyır. Bu ölkənin "Qrenobl" komandasının yetirməsi sayılır. 2018-2024-cü illər aralığında "Tuluza"nın şərəfini qoruyub. Həmin müddət ərzində "Quvill-Rouen" və "Troya"ya icarəyə verilib.
İki il öncə "Qrenobl"a qayıdıb. 2025-ci ili icarə əsasında "Pau"də keçirib və 10 oyuna 1 qol vurub. Hazırda azad agent statusu daşıyır.
Qeyd edək ki, "kimyaçılar" bu yay 5 futbolçu ilə müqavimlə bağlayıb, onlardan biri yerli, digərləri isə əcnəbidir.
Mənbə: Sportinfo.аz
