"Qarabağ" bu gün UEFA Çempionlar Liqasının pley-off mərhələsində İngiltərənin "Nyukasl" klubu ilə ilk oyununa çıxacaq.
Sumqayit24.az xəbər verir ki, Tofiq Bəhramov adına Respublika Stadionunda keçiriləcək görüş saat 21:45-də başlayacaq. Oyunu norveçli referi Espen Eskos idarə edəcək.
Qeyd edək ki, "Nyukasl" turnirin əsas mərhələsini 14 xalla 12-ci, "Qarabağ" isə 10 xalla 22-ci pillədə başa vurub. Komandalar arasında keçiriləcək cavab oyunu fevralın 24-də İngiltərədə baş tutacaq.
