Dünya karate tarixində silinməz iz qoyan Rafael Ağayev kimi əfsanəvi idmançının yetişməsində böyük pay sahibi olan, əməkdar məşqçi və idman ustası Rafael Məmmədovun bu gün 60 illik yubileyidir.
Sumqayit24.az xəbər verir ki, Sumqayıt karate məktəbinin formalaşmasında və inkişafında mühüm xidmətləri olan Rafael müəllim illər ərzində yüzlərlə gəncin idmana gəlməsinə, çempionların yetişməsinə töhfə verib. Onun zəhməti təkcə ölkəmizdə deyil, dünya karate arenasında da öz bəhrəsini göstərib.
Rafael Məmmədovu 60 illik yubileyi münasibətilə səmimi qəlbdən təbrik edir, ona möhkəm can sağlığı, uzun ömür və gələcək fəaliyyətində yeni-yeni uğurlar arzulayırıq!
