"Sumqayıt" futbol klubu transfer reallaşdıra bilər.
Sportinfo.az-ın məlumatına görə, "Zirə"dən maliyyə şərtlərində razılaşmadıqları üçün ayrılan Ceyhun Nuriyev karyerasını "gənclik şəhəri"ndə davam etdirə bilər. Klub rəhbərliyi ilə 25 yaşlı yarımmüdafiəçi arasında ümumi müzakirə və ilkin razılıq əldə olunub. Qalır işi rəsmiyyətə keçirmək.
Ceyhunun burada aylıq 12 min manat məvacib alacağı gözlənilir.
Qeyd edək ki, o, ötən mövsüm "Zirə"nin heyətində bütün turnirlərdə meydana çıxdığı 30 oyunda 4 qolla yadda qalıb.
