Bu yay serbiyalı mütəxəssis Saşa İliçlə vidalaşan "Sumqayıt" futbol klubunun rəhbərliyi komandanı portuqaliyalı Filipe Kandiduya tapşırdı. Təbii ki, Kandidunun nə dərəcədə uğurlu seçim olduğunu yeni mövsümün gedişində görəcəyik. Baş məşqçi postuna gətiriləndən sonra 3 yeni transfer edən əcnəbi mütəxəssis bir neçə sualı cavablandırıb.
Onun cavablarını təqdim edirik:
- Heyəti formalaşdıra bilmisinizmi?
- Xeyr. Heyət hələ tam formalaşmayıb.
- Yaxşı, o zaman komanda yeni mövsümə nə dərəcədə və sizcə, neçə faiz hazırdır?
- Faizlərlə danışmaq çətindir, lakin bu komandanın istədiyim səviyyəyə çatması üçün vaxta ehtiyacı olacaq.
- Çempionatın startına qədər yeni transferlər olacaqmı?
- Bu, transfer bazarından asılı olacaq, amma bəli, daha çox transfer edəcəyik. Komandanı gücləndirməliyik.
- Hansı mövqeləri?
- Çox güman ki, yarımmüdafiə və hücum xətlərini.
Mənbə: Fanat.аz
