Bu gün Azərbaycanın canlı əfsanəsi, sumqayıtlı ikiqat Paralimpiya çempionu İlham Zəkiyevin 46 yaşı tamam olur.
O, sadəcə idmançı deyil. O, döyüş meydanından tatamiyə qayıdıb tarix yazan adamdır. Qarabağ müharibəsində ağır yaralanaraq görmə qabiliyyətini itirsə də, sınmadı. Əksinə, bütün dünyaya göstərdi ki, insanın gücü gözündə yox, ruhundadır.
2004-cü il Afina və 2008-ci il Pekin Paralimpiya Oyunlarında qızıl medal qazanan Zəkiyev Azərbaycan idman tarixində silinməz iz qoyub. Dəfələrlə dünya və Avropa çempionu olub, bayrağımızı ən yüksək zirvələrdə dalğalandırıb.
