"Sumqayıt" klubu yayda icarəyə götürdüyü futbolçuya bu qış qovuşa bilər.
Sumqayit24.az xəbər verir ki, komanda "Polessye"nin futbolçusu Emil Mustafayevi mövsümün əvvəlində bir illik icarəyə götürmüşdü. Lakin o, Ukraynadan çıxa bilmədiyi üçün "Sumqayıt"ın düşərgəsinə də qoşula bilmirdi.
"Polessye"nin sıralarında məşq edən futbolçunun qış "transfer pəncərəsi" zamanı Türkiyəyə yollanaraq komandanın hazırlıq prosesinə cəlb olunacağı gözlənilir.
24 yaşlı futbolçunun "Polessye" ilə müqavilə müddəti 2027-ci il iyunun 30-na qədərdir.
