Bildiyimiz kimi, "Sumqayıt" futbol klubunun yeni baş məşqçisi Filipe Kandido olub. "Gənclik şəhəri" təmsilçisi portuqaliyalı mütəxəssislə 1 illik müqavilə imzalayıb.
Əslində isə "kimyaçılar"ı onun həmyerlisi çalışdırmalı idi. Jorj Kaşkilya ilə danışıqların aparılması, hətta tərəflər arasında ilkin anlaşmanın əldə olunması məlumdur.
Məlumata görə, ötən mövsüm "İmişli"nin sükanı arxasında dayanmış portuqaliyalı iş şərtlərinə və səlahiyyət bölgüsünə görə kənarda qalıb.
Belə ki, o, bütün transfer bazarlığının öz tərəfindən həyata keçirilməsini istəyib. Rəhbərliyin bu məsələdə söz sahibi olmasına qarşı çıxıb.
Üstəlik, düşərgəni tərk edəcək futbolçuların siyahısının tutulması barədə təkbaşına qərar vermək niyyətində olub.
Mənbə: Sportinfo.аz
