Uzun müddətdir tatamidən uzaq düşən Rafael Ağayev yenidən idman arenalarına qayıtmağa hazırlaşır.
5 qat dünya, 11 qat Avropa çempionu, Olimpiya Oyunlarının gümüş medalçısı olan məşhur idmançı Sumqayit24.az-a açıqlamasında bildirib ki, "Karate Combat" liqasından ona iki döyüş təklifi gəlib və artıq tərəflər arasında danışıqlar aparılıb.
Ağayevin sözlərinə görə, əgər razılaşma əldə olunarsa, o, iyul ayında Bakı şəhərində tatamiyə çıxacaq.
Əgər döyüş baş tutarsa, bu, həm Ağayevin uzun fasilədən sonra möhtəşəm dönüşü, həm də Azərbaycan üçün böyük idman bayramı olacaq.
