"Karate Combat" liqasının rəsmi Fransa instaqram hesabı əfsanəvi döyüşçü Rafael Ağayevin idmana dönüşünü elan edib.
Sumqayit24.az xəbər verir ki, rəsmi posterdə dünya karatesinin "Brilyant"ı və Sumqayıtın fəxri olan 5 dünya, 11 qat Avropa çempionu və Olimpiya ikincisi 31 oktyabr 2026-cı il tarixində yenidən pitə çıxacaq.
Hazırda təşkilat bütün detalları açıqlamır. Rafaelin rəqibinin kim olacağı, eləcə də turnirin hansı şəhərdə və hansı arenada keçiriləcəyi hələlik rəsmən bəlli deyil.
Qeyd edək ki, uzun müddətdir Azərbaycanın idman ictimaiyyətində turnirlərin Bakıda təşkil oluna biləcəyi barədə şayiələr gəzir.
