Azərbaycan futbol millisinin qapıçısı Şahruddin Məhəmmədəliyev "Sumqayıt" klubuna qayıda bilər.
Məlumata görə, "kimyaçılar" 32 yaşlı qolkiperin xidmətində maraqlıdır. Təcrübəli əlcək sahibini heyətə qatmaq üçün artıq rəsmi təklif də göndərilib.
Məhəmmədəliyev isə yekun qərarını verməyib. Milli komandanın qapıçısı "Sumqayıt"ın təklifini nəzərdən keçirmək və gələcəyi ilə bağlı qərar vermək üçün vaxt istəyib.
Tərəflər arasında danışıqların nəticəsindən asılı olaraq, Şahrudinin illər sonra "gənclik şəhəri"nə qayıtması mümkün görünür.
Qeyd edək ki, Şahrudin Məhəmmədəliyev 2014-2016-cı illərdə "Sumqayıt"ın formasını geyinib. "Kimyaçılar" mövsümlərarası fasilədə anlaşdığı braziliyalı qolkiper Ceymes Almeyda isə toplanış dönəmində aldığı ağır zədə səbəbindən "Sumqayıt"dan ayrılıb.
Şahruddin Məhəmmədəliyevin xidmətində "Zirə"nin də maraqlı olduğu deyilir.
Mənbə: Sport24.аz
