"Neftçi"dən istefaya göndərilən Samir Abasovla klub rəhbərliyi arasındakı narazılıq aradan qaldırılıb.
Futbolinfo.az-ın məlumatına görə, tərəflər müqavilənin qarşılıqlı razılıqla xitamı məsələsində anlaşılmazlığa son qoyublar.
Məsələ burasındadır ki, "ağ-qaralar" 47 yaşlı sumqayıtlı mütəxəssisin maaşını ödəməkdə davam edəcək. Belə ki, Abasov hazırda işsiz olsa da, "Neftçi" ilə pozulan müqaviləsinin sonuna qədər hər ay məvacibini alacaq. Yəni bakılılar mövsümün sonuna qədər həm hazırkı baş məşqçi Yuri Verniduba, həm də sabiq çalıçdırıcı Abasova ödəniş edəcək.
Samir Abasov "Neftçi"yə 2024-cü ilin oktyabrında təyin olunmuşdu. Komanda onun rəhbərliyi altında ötən mövsüm Premyer Liqada 6-cı yeri tutub.
