"Sumqayıt"la birlikdə mövsümü başa vurduq".
Bu sözləri "kimyaçılar"ın baş məşqçisi Saşa İliç sosial şəbəkə hesabında yazıb:
"Bizə etibar etdikləri üçün, yaradılan fürsətə görə təşəkkür edirəm. Kluba və işçi heyətinə minnətdaram. Özümüzlə unudulmaz xatirələr aparırıq".
Bir çoxları 47 yaşlı mütəxəssisin paylaşımını "gənclik şəhəri" təmsilçisi ilə vidalaşması anlamına gəldiyini düşünür.
Sumqayit24.az bunun doğru olub-olmadığını dəqiqləşdirmək üçün "Sumqayıt" FK ilə əlaqə saxlayıb. Komandanın mətbuat katibi Zaur Xudiyev sorğumuzu belə cavablandırıb:
"Saşa İliç sonuncu oyundan sonrakı mətbuat konfransında da bildirib ki, rəhbərliklə sonuncu dəfə danışacaqlar və ondan sonra yeni mövsümlə bağlı qərarını verəcək. Faktiki müqaviləsi başa çatıb, amma yekun qərarla bağlı klub tərəfindən açıqlama veriləcək".
