"Sumqayıt" futbol klubunun müqavilə müddətini artırmaq istədiyi Nikola Ninkoviç özünə yeni komanda tapıb.
Sumqayit24.az xəbər verir ki, serbiyalı idmançı Hindistan klublarından birini seçib. Təcrübəli yarımmüdafiəçi "Nort İst Yunayted"lə bir illik müqavilə imzalayıb.
Qeyd edək ki, o, ötən mövsümü əvvəlində "Tekstilaç"dan "Sumqayıt"a keçib. 31 yaşlı yarımmüdafiəçi karyerası ərzində isə "Cenoa", "Partizan", "Kyevo", "Empoli", "Breşiya", "Torpedo"(Kutaisi) kimi klublarda çıxış edib.
