UEFA-nın yenilənmiş klub reytinqi açıqlanıb. Son beş mövsümün nəticələri əsasında tərtib olunan siyahıda Azərbaycan təmsilçiləri arasında ən aşağı pillələrdən birində "Sumqayıt" futbol klubu qərarlaşıb.
Klub 1,500 əmsalla 309-cu yeri tutub. "Sumqayıt" yalnız 310-cu pillədə qərarlaşan "Qəbələ"ni qabaqlayır.
Azərbaycan klubları arasında ən yüksək mövqedə "Qarabağ" (59-cu yer, 33,750 əmsal) qərarlaşıb. Sonrakı pillələrdə isə "Sabah" (215-ci yer), "Zirə" (226-cı yer), "Neftçi" (304-cü yer) və "Araz-Naxçıvan" (308-ci yer) yer alıb.
Qeyd edək ki, UEFA klub reytinqi son beş mövsümdə avrokuboklarda göstərilən nəticələr əsasında hesablanır və komandaların gələcək püşkatmalarda səbətini müəyyənləşdirən əsas göstəricilərdən biridir.
