"Sumqayıt" futbol klubu səfərdən 1 xalla qayıdır.
Sumqayit24.az xəbər verir ki, "gənclik şəhəri" təmsilçisi Premyer Liqanın 23-ü turu çərçivəsində "Karvan Yevlax"ın qonağı olub. Yevlax şəhər stadionunda keçirilən matç 1:1 hesablı heç-heçə ilə bitib.
Qeyd edək ki, "Sumqayıt"ın yeganə qolunu 51-ci dəqiqədə Səbuhi Abdullazadə, "Karvan"ın isə 90+4-cü dəqiqədə Coy Sleyd Mikels vurub.
Bu nəticədən sonra "kimyaçılar" 32 xalla turnir cədvəlinin 6-cı pilləsində qərarlaşıb. 8 xala malik "Karvan-Yevlax" isə sonuncu - 12-cidir.
