"Sumqayıt" futbol klubu bu gün mühüm matça çıxır.
Sumqayit24.az xəbər verir ki, Azərbaycan Premyer Liqasının 16-cı turunda, ilin son oyununda "kimyaçılar" Mehdi Hüseynzadə adına Sumqayıt şəhər stadionunda "Sabah"ı qəbul edəcək.
Matçın baş hakim Tural Qurbanov start fitini saat 19:30-da səsləndirəcək. Biletləri iTicket.az, 1 saylı Sumqayıt "ASAN Xidmət" mərkəzi, saat 15:00-dan etibarən isə stadionun kassasından əldə etmək mümkündür.
Qeyd edək ki, "Sumqayıt" 15 oyundan sonra 27 xalla dördüncü yerdədir. Komandanı üçüncü pillədəki "Zirə"dən cəmi 1 xal ayırır.
