Bu gün Sumqayıt idman ictimaiyyətinin ən parlaq simalarından olan, veteran cüdoçu və məşqçi Əhməddin Rəcəblinin doğum günüdür.
Sumqayit24.az xəbər verir ki, Əhməddin Rəcəbli 10 avqust 1945-ci ildə anadan olub. O, uzun illər ərzində təkcə idmançı kimi deyil, həm də məşqçi kimi Sumqayıt və Azərbaycan idmanının inkişafına töhfə verib.
Əhməddin Rəcəblinin yetirmələri arasında müxtəlif yarışlarda uğur qazanan idmançılar olub. O, məşqçilik fəaliyyəti ərzində yüzlərlə gəncin yetişməsində mühüm rol oynayıb.
Sumqayıtın ictimai-siyasi həyatında da fəal iştirak edən Əhməddin Rəcəbli "Əməkdar məşqçi", "Əməkdar bədən tərbiyəsi və idman xadimi" fəxri adlarına, Prezidentin fərdi təqaüdünə, "Tərəqqi" medalına və Yaponiya imperatorunun ordeninə layiq görülüb.
Əhməddin Rəcəbli uzun illər ərzində yetişdirdiyi idmançılar və cüdoya verdiyi töhfələrlə Sumqayıt idmanının tarixində özünəməxsus iz qoyub.
