"Sumqayıt" futbol klubu Misli Premyer Liqasının 2025/26 mövsümündə 5-ci dəfə penaltidən yararlana bilməyib.
Sumqayit24.az PFL-in saytına istinadən xəbər verir ki, "İmişli" ilə səfər görüşündə (2:0) Nikola Ninkoviç 11 metrlik cərimə zərbəsindən istifadə edə bilməyib. "Gənclik şəhəri" təmsilçisi mövsümdəki 8 belə imkanın yalnız üçünü qola çevirib.
Bir komandanın mövsümdə 5 penaltidən yararlanmaması turnirdə 21-ci əsrin antirekordudur. 2001-2026-cı illərdə üç dəfə bir komanda mövsüm ərzində 4 imkanı qaçırıb.
"Şəfa" 2001/02 mövsümündə 5, "Qarabağ" 2020/21, "Sabah" isə 2022/23 mövsümündə eyni sayda – 9 imkandan dördündən istifadə edə bilməyib. "İmişli" ilə görüşədək bu antirekordun şəriki olan "Sumqayıt" artıq həmin üç komandanı da "geridə qoyub".
Ümumilikdə cari mövsümdə təyin olunan 60 penaltidən 48-i qolla nəticələnib. Bu zərbələrdən istifadə faizi 80-ə bərabərdir.
