Azərbaycan millisinin sumqayıtlı sabiq futbolçusu Kamal Quliyevin səhhətində ciddi problem olduğunu bilirsiniz.
Veteran yarımmüdafiəçi bununla əlaqədar videomüraciət yayaraq AFFA-dan və futbol ictimaiyyətindən maddi dəstək istəmişdi. O, bir müddət öncə müsahibədə 40 min manata ehtiyacı olduğunu və qaraciyərinin dəyişdirilə biləcəyini bildirmişdi.
Sport1.az-ın məlumatına görə, "Sumqayıt" klubu futbolçuya maddi yardım edib. Kamal Quliyevin yaxınlarının verdiyi məlumata görə, "kimyaçılar" millimizin sabiq üzvünə 2000 manat məbləğində dəstək olub.
Qeyd edək ki, Sumqayıtda doğulan Kamal Quliyev şəhərimizin "Xəzər" və "Standart" klublarında forma geyinib.
