2025/26 futbol mövsümü bitər-bitməz Misli Premyer Liqasında gərginlik meydanlardan transfer bazarına köçüb. Çempionatda mübarizə aparacaq 12 klub növbəti mövsümün heyətini qurmaq üçün artıq hərəkətə keçib. Bu klublar arasında ən diqqətçəkən və köklü dəyişikliklərə start verən komandalardan biri isə "Sumqayıt"dır.
"Kimyaçılar" mövsümün başa çatması ilə birlikdə komandada ciddi bir "təmizlik" və yenilənmə prosesinə başlayıb. "Sumqayıt"ın transfer hesabatına nəzər salsaq, gedişatın heç də sakit olmadığını görmək olar:
Gələnlər: Klub rəhbərliyi hələlik heyətə "yeni nəfəs" gətirməyə tələsmir və ya danışıqları gizli saxlayır.
Gedənlər: Sənan Muradlı, Aleksandr Ramalinqom, Rayan Senhadji.
Həmçinin sükanı arxasında olan baş məşqçi Saşa İliç rəsmən ayrılıb və çox keçmədən Serbiyanın "Partizan"ı ilə anlaşıb.. Komandanın aparıcı legionerlərinin və baş məşqçinin eyni vaxtda gedişi "Sumqayıt"ın yeni mövsümə tamamilə fərqli simada başlayacağından xəbər verir.
