"Sumqayıt"ın şərəfini qoruyan futbolçular milliyə dəvət alıb.
Sumqayit24.az xəbər verir ki, Azərbaycan futbol milli komandası mayın 28-dən 30-dək Bakıda, iyunun 1-dən 10-dək isə Avstriyanın Bad-Valtersdorf şəhərində təlim-məşq toplanışında olacaq.
Yığmamız Avstriya toplanışı çərçivəsində iyunun 5-də Malta, 9-da isə San-Marino yığmasına qarşı iki yoldaşlıq oyunu keçirəcək.
Macarıstanın Sombatxey şəhərində yerləşən "Haladaş" stadionunda baş tutacaq hər iki görüşün Bakı vaxtı ilə saat 22:00-da başlanması planlaşdırılır.
Qeyd edək ki, milliyə "Sumqayıt" futbol klubundan Səbuhi Abdullazadə və Rüstəm Əhmədzadə dəvət edilib.
