"Sumqayıt" futbol klubu Misli Premyer Liqasının 8-ci turunda "Araz-Naxçıvan"ı 2:1 hesabı ilə məğlub edib. Meydan sahiblərinin futbolçusu Tiaqo Almeyda bununla bağlı sualları cavablandırıb.
- "Araz-Naxçıvan"la oyun haqqında fikirləriniz necədir?
- Fikrimcə, komandamız oyuna bir qədər uğursuz başladı və "Araz-Naxçıvan"ın necə oynadığını anlamağımız bir qədər vaxt apardı. Rəqibin yarımmüdafiəçiləri mərkəzdə çox boşluq tapırdı.
- İkinci hissədə nəyi dəyişə bildiniz?
- Rəqibin yaratdığı boşluqlardan maksimum istifadə edə bildik.
- Komandanız artıq 4 oyundur məğlub olmur. Bu uğurlu seriyanın davamını gətirmək mümkün olacaq?
- Komandamız hazırda yaxşı formadadır. Düşünürəm ki, indiyə qədər olduğu kimi çalışmağa davam etsək, bu uğurlu seriyanı davam etdirə bilərik.
- "Sumqayıt"ın bu mövsüm üçün hədəfi nədir?
- Komandanın hədəfi hər oyuna ayrı-ayrılıqda yanaşmaq, getdikcə daha yaxşı oynamaq və turnir cədvəlində mövqeyimizi yüksəltməkdir. Məqsədimiz cədvəldə daha yuxarı pillələrə qalxmaqdır.
Mənbə: Sport24.аz
