"Vəziyyəti yaxşılaşdırmaq üçün çalışmalıyıq. Hələ də şans var və mövsüm üçün məqsədlərimizə çata bilərik".
Bu sözləri "Sumqayıt"ın yarımmüdafiəçisi Emil Mustafayev Sportal.az-a açıqlamasında deyib.
"Kimyaçılar"ın futbolçusu komandasının Misli Premyer Liqasının 23-cü turunda "Karvan-Yevlax"la bərabərə (1:1) qalmasın şərh edib:
"Rəqibimiz də pis görünmürdü. Amma biz daha yaxşı idik. Qələbə qazana bilməməyimizin əsas günahkarı özümüzük. Penaltidən yararlana bilmədik, epizodları vurmaq alınmadı. Hazırda komanda üçün o qədər də yaxşı period deyil. Vəziyyəti yaxşılaşdırmaq üçün çalışmalıyıq. Hələ də şans var və mövsüm üçün məqsədlərimizə çata bilərik".
