"Sumqayıt"ın portuqaliyalı müdafiəçisi Pedro Pinto Misli Premyer Liqasının 15-ci turunda "Neftçi"yə (2:2) qarşı keçirilmiş görüş barədə danışıb.
Sportal.az-a açıqlama verən futbolçu son turdakı görüşü bu cür şərh edib:
"Bu matçı aktivimizə yazmaq olar. Çünki biz xarakter nümayiş etdirdik. Bəli, ilk hissədəki ən yaxşı oyunumuz deyildi, amma sonra komanda işini göstərdik. Haqlı olaraq bir xal qazandıq".
31 yaşlı futbolçu komandasının bu mövsüm uğurlu nəticə qazanacağına inandığını deyib: "Ümumilikdə, komanda düzgün yoldadır. İnkişaf edirik, xallar qazanırıq və bu mövsüm yüksək mövqeyə çata biləcəyimizi göstəririk".
