"Sumqayıt"ın yarımmüdafiəçisi Nihad Əhmədzadəyə Türkiyədən transfer təklifi gəlib.
Türkiyənin I Liqa təmsilçisi "Iğdır" 22 yaşlı futbolçunu heyətinə qatmaq istəyib və tərəflər arasında danışıqlar aparılıb.
Bildirilib ki, Türkiyə klubu futbolçu ilə razılıq əldə edilsə də, transfer məbləği ilə bağlı "Sumqayıt" klubu ilə ortaq məxrəcə gəlmək mümkün olmayıb.
Klub Nihad Əhmədzadənin transferi üçün 300 min avro təzminat, əlavə olaraq isə 30-40 min avro yetişdirmə haqqı tələb edib.
"Iğdır" isə bu məbləğin yüksək olduğunu bildirərək 100-150 min avro ödəməyə hazır olduğunu qeyd edib.
Tərəflər arasında razılıq əldə olunmadığına görə Türkiyə klubu transferdən imtina edib.
Mənbə: İdmanxeber.az
