"Sumqayıt" klubunun futbolçuları milliyə çağırılıblar.
Sumqayit24.az xəbər verir ki, 19 yaşadək futbolçulardan ibarət Azərbaycan yığması bu gündən fevralın 22-dək Bakıda, ayın 23-dən 28-dək isə Moldovanın paytaxtı Kişinyovda təlim-məşq toplanışında olacaq.
Millimiz Kişinyovdakı hazırlıq dönəmində fevralın 25-də və 27-də Moldovanın müvafiq yaş qrupundan ibarət komandası ilə iki yoxlama oyunu keçirəcək.
Hər iki matçın Bakı vaxtı ilə saat 15:00-da başlanması planlaşdırılır.
Milliyə dəvət alan futbolçuların arasında "kimyaçılar"ın üzvləri İlkin Həzizadə və Nurlan Zeynallı da var.
