"Sumqayıt" futbol klubunun cinah müdafiəçisi Abdul Raşid Mumini karyerasını digər Premyer Liqa klubunda davam etdirməyə yaxındır.
Məlumata görə, beninli futbolçu "Şamaxı" ilə anlaşıb. Mumini hələ "aslanlar"la müqavilə bağlamasa da, keçidin reallaşmaq ehtimalı olduqca yüksəkdir. "Bənövşəyilər"in çalışdırıcısı Azər Bağırov bu futbolçunun heyətə qatılmasını vacib sayır.
Yeri gəlmişkən, "gənclik şəhəri" təmsilçisi afrikalı oyunçu ilə 2025-ci ildə 3 illik müqavilə bağlasa da, sazişi vaxtından əvvəl ləğv etməkdə qərarlıdır.
Geridə qalan mövsümün sonunda serbiyalı mütəxəssis Saşa İliçlə vidalaşan "Sumqayıt" rəhbərliyi komandanı portuqaliyalı mütəxəssis Filipe Kandiduya tapşırıb.
Mənbə: Fanat.аz
