"Sumqayıt" klubunun keçmiş futbolçusuna vəzifə verildi.
Məlumata görə, "Araz-Naxçıvan" futbol klubunun İdarə Heyətinin iclası keçirilib. İdarə Heyətinin qərarına əsasən, Ceyhun Sultanov klubun prezidenti vəzifəsinə təyin edilib.
Qeyd edək ki, Ceyhun Sultanov futbolçu karyerası ərzində "Fərid", "Neftçi", "Dinamo" (Bakı), "Bakı", "Xəzər Lənkəran", "Kəpəz", "Sumqayıt", "Qəbələ" və İranın "Maşınsazi" klublarının formasını geyinib. O, Azərbaycan milli komandasının da şərəfini qoruyub. İdarəçi kimi isə müxtəlif illərdə "Sumqayıt", "Neftçi" və "Keşlə" klublarında fəaliyyət göstərib.
Mənbə: Axar.az
