"Sumqayıt" futbol klubunun stadion problemi həllini tapmaq üzrədir.
Məlumata görə, "gənclik şəhəri" təmsilçisi Mehdi Hüseynzadə adına Sumqayıt şəhər stadionunun ot örtüyündə yaşanan problemi aradan qaldırmaqla bağlı işlərə start verib.
"Kimyaçılar" III turda "Qarabağ"la qarşılaşmanı məhz bu arenada keçirmək niyyətindədir. Klub rəhbərliyi həmin vaxta qədər stadionun ot örtüyünü oyun keçirmək üçün yararlı vəziyyətə gətirməyi planlaşdırır.
Qeyd edək ki, "Sumqayıt" avqustun 16-da Misli Premyer Liqasının I turunda "Neftçi"ni "SOCAR Polymer Arena"da qəbul edəcək.
Mənbə: Sport24.аz
