"Sumqayıt"ın xanım futbolçuları beynəlxalq səviyyədə diqqət mərkəzinə düşür.
Artıq azarkeşlər komandamızın oyununu təkcə stadiondan yox, dünyanın istənilən yerindən izləyə biləcək. Belə ki, FIFA ilə AFFA arasında imzalanan lisenziya müqaviləsi çərçivəsində Yüksək Qızlar Liqasının seçilmiş oyunları FIFA+ platformasında canlı yayımlanacaq.
Bu oyunlardan biri də XIX tur çərçivəsində baş tutacaq "Dirçəliş" – "Sumqayıt" qarşılaşmasıdır. Matç aprelin 25-də saat 15:00-da start götürəcək və futbolsevərlər bu görüşü canlı izləyə biləcəklər.
