Xəbər verdiyimiz kimi, cari mövsümün əvvəlindən "Sumqayıt" futbol klubuna rəhbərlik edən serbiyalı mütəxəssis Saşa İliçlə başa çatan müqavilə yenilənmədi.
Əslində komanda onun rəhbərliyi altında mövsümə pis başlamamışdı. Ancaq sonradan qeyri-stabil nəticələr rəhbərliyin İliçlə vidalaşmasına gətirib çıxardı.
Bəs görəsən "Sumqayıt"ın yeni baş məşqçisi kim olacaq?
"Sumqayıt"ın mətbuat katibi Zaur Xudiyev Bizim.Media-ya açıqlamasında bu barədə danışmağın hələ tez olduğunu bildirib:
"Saşa İliçlə yollarımızı ayırdıq. Hazırda bilinən tək şey budur. Onun müqaviləsi başa çatmışdı və sözləşməni yeniləmədik. Ancaq yeni baş məşqçi ilə bağlı danışmaq hələ tezdir. Bu barədə klub rəhbərliyi qərar verməlidir. Ona görə də indidən nəsə söyləmək çətindir ki, yeni baş məşqçi yerli olacaq yaxud xarici. Proseslər o qədər yenidir ki, bu mövzu ilə bağlı hələ heç bir məlumat yoxdur".
