Saşa İliçlə müqavilə müddətini uzatmayan "Sumqayıt" futbol klubunun yeni baş məşqçisi əcnəbi olacaq.
Sportinfo.az-ın məlumatına görə, komandanın prezidenti Riad Rəfiyev 10 gündən artıqdır ki, sırf bu məsələ ilə məşğuldur. Xarici əlaqələrini işə salan rəhbərin danışıqlar apardığı mütəxəssislər əsasən portuqaliyalılardır.
O, bu ölkənin birinci və ikinci liqalarında təcrübə toplamış çalışdırıcılardan biri ilə anlaşmaqda maraqlıdır.
Əlbəttə, növbəti günlərdə başqa ideal variantlar ortaya çıxmasa. Necə deyərlər, hər şey şərtlər və şəraitdən asılıdır.
"Kimyaçılar" başa çatan mövsümü uğurlu keçirə bilməyib. Ölkə kuboku ilə 1/8 final mərhələsində vidalaşan "gənclik şəhəri" təmsilçisi Premyer Liqada yeddinci yeri tutub.
