"Sumqayıt" - "Neftçi" matçı azarkeş sayına görə birinci yerdədir.
Sport24.az-ın məlumatına görə, Misli Premyer Liqasında 26-cı turun oyunlarını stadionlardan izləyən azarkeşlərin sayı bəlli olub. Altı matçda ümumilikdə 3935 tamaşaçı qeydə alınıb.
Belə ki, "Kəpəz" - "Qəbələ" (0:2) qarşılaşmasında 500, "Sumqayıt" - "Neftçi" (1:3) duelində 1950, "Qarabağ" - "Karvan-Yevlax" (7:0) görüşündə 800, "İmişli" - "Turan Tovuz" (1:1) oyununda 85, "Zirə" - "Şamaxı" (1:1) matçında 300, "Araz-Naxçıvan" - "Sabah" (2:4) qarşılaşmasında 300 fanat olub.
Qeyd edək ki, 27-ci tura aprelin 10-da start veriləcək.
