Maliyyə problemləri və sponsor dəstəyinin olmaması səbəbindən Sumqayıt Minifutbol Klubu fəaliyyətini dayandırır.
Sumqayit24.az xəbər verir ki, bu barədə klub sosial şəbəkə hesabında paylaşım edib.
Məlumata görə, klub Avropa Liqasına vəsiqə qazanmasına baxmayaraq, maddi çətinliklər səbəbindən turnirdə iştirakdan imtina etməli olub.
"8 illik fəaliyyətimiz boyunca Sumqayıtı layiqincə təmsil etdik, minifutbola futbolçular yetişdirdik, böyük ailəyə çevrildik və ölkənin ən güclü klublarından biri olduq.Klubun təsisçisi və rəhbəri Nicat Ələsgərov, ən uğurlu və sonuncu baş məşqçisi isə Nicat Məhərrəmov olub. Bu illər ərzində klubumuz üçün əziyyət çəkən bütün futbolçulara, məşqçilərə və işçi heyətinə sonsuz təşəkkür edirik. Siz bu klubun tarixini yazdınız. Hər birinizə gələcək karyera və həyatınızda uğurlar arzulayırıq. Yolunuz açıq olsun!", - deyə paylaşımda qeyd olunub.
