"Sumqayıt" futbol klubu sabah "Neftçi"ni qəbul edəcək.
Sumqayit24.az xəbər verir ki, komandalar Premyer Liqanın 26-cı turu çərçivəsində 5 aprel saat 18:00-da Mehdi Hüseynzadə adına Sumqayıt şəhər stadionunda qarşılaşacaqlar.
Hər oyunda olduğu kimi hansı komandanın qalib gələcəyinə final fitindən sonra aydınlıq gətiriləcək. Bu günə qədər iki klubun keçirdiyi oyunların statistikası da maraqlı rəqəmlər ortaya qoyur. Komandalar çempionatda 53 oyun keçiriblər. Onların 15-ni "kimyaçılar", 25-ni isə "ağ-qaralar" qazanıb. Qalan 13 qarşılaşma heç-heçə ilə bitib. "Sumqayıt" vurulan qolların sayında da geri qalır - 58-81.
