"Sumqayıt" futbol klubu MOİK-ə icarəyə verdiyi qapıçı Murad Ağamalıyevi qaytarmaq istəyir.
Sportal.az saytına verilən məlumata görə, "kimyaçılar" artıq bununla bağlı I Liqa klubuna müraciət edib. 19 yaşlı qolkiper "hərbçilər"ə mövsümün sonuna qədər icarəyə verilib. Lakin "Sumqayıt" Ağamalıyevi yanvar ayında qaytarmağa çalışır.
"Gənclik şəhəri" təmsilçisi MOİK-dən cavab gözləyir. I Liqa klubu yaxın günlərdə təklifə cavab verəcək. Anlaşma əldə olunsa, gənc "əlcək sahibi" yeni ilə "Sumqayıt"ın heyətində başlayacaq.
