Sumqayıtda qeydə alınan rekord yenilənib.
Sumqayit24.az xəbər verir ki, Misli Premyer Liqasında mövsümün tamaşaçı rekordu qeydə alınıb. Bu rekord XXII turun son oyunu olan "Qarabağ" – "Sabah" matçına təsadüf edib. Tofiq Bəhramov adına Respublika Stadionunda 3:3 hesablı heç-heçə ilə yekunlaşan matçı 10 min 361 tamaşaçı izləyib.
Bunadək rekord XII turda qeydə alınmışdı. 2025-ci il noyabrın 21-də baş tutan "Sumqayıt" – "Qarabağ" oyununa 9100 seyrçi tamaşa edib. Mehdi Hüseynzadə adına Sumqayıt şəhər stadionundakı matçda qonaqlar qalib gəlib – 4:2.
