Mövsümün sonu "Sumqayıt" klubundan ayrılacaq oyunçular sırasında Danilo Beskorovaynıy da olacaq.
"Polissya" klubuna məxsus ukraynalı müdafiəçi qış fasiləsində "kimyaçılar"a qoşulub.Onun icarə müqaviləsi yayda başa çatacaq. Sportinfo.az-ın məlumatına görə, Sumqayıt təmsilçisi stoperi düşərgədə saxlamaqda maraqlı deyil. Ona görə də qarşı tərəflə heç bir danışıq aparılmayacaq.
Qeyd edək ki, 26 yaşlı legioner arxada qalan müddətdə 9 görüşdə forma geyinib.
Danilo Beskorovaynıy karyerası ərzində "Polissya" ilə yanaşı Ukraynanın "Volın", "Krivbas", Litvanın "Atlantas", Slovakiyanın "Mixalovtse", "Dunayska Streda", Qazaxıstanın "Astana" klublarında çıxış edib. O, Ukraynanın U-20 millisində 9 oyun keçirib.
