"Sumqayıt" futbol klubunun qızlardan ibarət kollektivi rəqibini darmadağın edib.
Sumqayit24.az xəbər verir ki, futbol üzrə Yüksək Qızlar Liqasında 17-ci turun oyunları keçirilib. Tur çərçivəsində "kimyaçılar" "SOCAR Polymer Arena"nın ehtiyat meydançasında "Baku Juniors"la qarşılaşıb.
"Sumqayıt"ın qızları rəqibi 18 cavabsız qolla məğlub ediblər. Qələbədə Bənövşə Əsədzadə 9 qolla əsas pay sahibi olub. Aybəniz Əsgərzadə het-triklə yadda qalıb. Digər qolları isə Gültac Məmmədəliyeva, Ayşən Mirzəyeva, Nailə Əliyeva, Müjgan Seyidova, Jalə İldırımova və Leyla Həsənova vurublar.
Qeyd edək ki, bu mövsüm "gənclik şəhəri" təmsilçisi 131 qol vurduğu halda, qapısında cəmi 12 top görüb.
