"Sumqayıt" futbol klubu "Qəbələ"ni qəbul edəcək.
Sumqayit24.az xəbər verir ki, matç Misli Premyer Liqasının 28-ci turu çərçivəsində Mehdi Hüseynzadə adın Sumqayıt şəhər stadionunda keçiriləcək. Oyunun start fiti 19 aprel saat 18:00-da səslənəcək.
Komandalar arasında keçirilən qarşılaşmaların statistikasına görə qonaqlar böyük üstünlüyə malikdir. Belə ki, baş tutan 49 matçdan 25-də "Qəbələ" qələbə qazanıb və cəmi 9 dəfə uduzub.
Bu, top fərqində də özünü aşkar büruzə verir – "Qəbələ" 71, "Sumqayıt" 39 qolla yadda qalıb. Lakin artıq 6 oyundur, yəni 3 ildir "gənclik şəhəri" təmsilçisi rəqibinə uduzmur. "Qəbələ" hətta son 5 matçda qol da vura bilməyib.
