Bu həftə Misli Premyer Liqasında 16-cı tura start veriləcək.
Sumqayit24.az xəbər verir ki, 2025-ci ilin son matçları dörd günü əhatə edəcək. "Sumqayıt" futbol klubu bu turda "Sabah"ı qəbul edəcək. Bəs bu cütün ölkə çempionatları tarixindəki əvvəlki oyunlarının balansı necədir?
Məlumata görə, komandalar bir-birinə qarşı 28 matç keçirib. Bunların 8-də "Sumqayıt", 14-də isə rəqib qələbə qazanıb. Qalan 6 qarşılaşma sülhlə bitib. Top fərqi də "Sabah"ın xeyrinədir 51 - 28.
Son 3 görüş heç-heçə başa çatıb. "Sumqayıt" son 4 ev oyununda qol vurub.
Qeyd edək ki, qarşılaşma 22 dekabr saat 19:30-da Mehdi Hüseynzadə adına stadionda keçiriləcək.
